Daninn Christian Eriksen er orðinn pirraður á bekkjarsetu hjá ítalska stórliðinu Inter.
Eriksen yfirgaf Tottenham í janúar síðastliðnum og fór til Inter. Frá því hann kom til ítalska félagsins þá hefur hann átt erfitt með að festa sæti sitt í byrjunarliði Antonio Conte.
Hinn 28 ára gamli Eriksen hefur aðeins spilað 73 mínútur í ítölsku úrvalsdeildinni á þessu tímabili eftir að hafa byrjað átta af 17 mögulegum leikjum í deildinni á síðustu leiktíð.
Aðspurður út í stöðu sína hjá Inter, sagði Eriksen: „Ég vil ekki sitja á bekknum allt tímabil, ég vona að það sé ekki ætlun þjálfarans eða félagsins."
Eriksen er núna í landsliðsverkefni með Danmörku og verður hann í liðinu sem mætir Íslandi í kvöld.
Athugasemdir