Þýska félagið Union Berlín festi í dag kaup á franska vinstri bakverðinum Jerome Roussillon frá Wolfsburg.
Roussillon er þrítugur og hefur verið á mála hjá Wolfsburg frá 2018 en hann kom til félagsins frá Montpellier í Frakklandi.
Hann hefur glímt við meiðsli og veikindi á þessari leiktíð og aðeins komið við sögu í fjórum leikjum.
Frakkinn mun halda áfram að spila í þýsku deildinni en nú fer hann í toppbaráttuna.
Í dag samdi hann við Union Berlín til næstu ára en kaupverðið er ekki gefið upp.
Union er með 27 stig í 5. sæti deildarinnar, fjórum stigum meira en Wolfsburg sem er í 7. sæti.
Athugasemdir