Atli Hrafn er fæddur 1999 og á 23 leiki að baki fyrir yngri landslið Íslands. Atli hefur spilað með Víkingi R. og Breiðablik í efstu deild og verður þetta hans frumraun í Lengjudeildinni.

ÍBV er spáð toppsætinu í Lengjudeildinni en liðið byrjaði tímabilið á 3-1 tapi í Grindavík.

Atli skoraði tvö mörk í tólf leikjum í Pepsi Max-deildinni í fyrra. Eitt markið skoraði hann fyrir Víking og hitt fyrir Breiðablik.

„Við viljum bjóða Atla Hrafn velkominn til félagsins.

„Áfram ÍBV, alltaf, alls staðar!" segir á vefsíðu ÍBV.