Elfar skoraði tvö mörk í Keflavík.
Elfar Árni Aðalsteinsson skoraði tvö mörk þegar KA sigraði Keflavík 3-0 í Pepsi-deildinni í kvöld.
Lestu um leikinn: Keflavík 0 - 3 KA
Bæði mörk Elfars komu af vítapunktinum.
„Við vissum að við þyrftum að koma sterkir inn í leikinn og passa að gefa Keflavík ekki von á að vinna hann. Við hugsuðum að ef þeir myndu skora þá myndu þeir hafa meiri trú en við ákváðum að koma sterkir inn strax og við náðum inn marki snemma. Það hjálpaði okkur mikið," sagði Elfar.
„Svo náum við inn hinum tveimur mörkunum og þá var þetta orðið öruggt."
Þetta er virkilega sætt fyrir KA eftir svekkjandi jafntefli við FH í síðustu umferð.
„Það var eins og tap. Við unnum fyrir sigri í þeim leik en því miður skoruðu þeir í restina. Það var mjög mikilvægt að ná í sigur í dag. þetta var mikilvægur sigur fyrir okkur að berjast í efri hlutanum, í átt að Evrópu," sagði Elfar að lokum.
Viðtalið er í heild sinni hér að ofan.
Athugasemdir
