Van der Sar spilaði með Manchester United í sex ár og varð fjórum sinnum Englandsmeistari, auk þess sem hann vann Meistaradeild Evrópu einu sinni.

Hann vann þá gullhanskann í ensku úrvalsdeildinni tímabilið 2008-2009 en eftir ferilinn fór hann að vinna fyrir Ajax og er nú framkvæmdastjóri félagsins.

Van der Sar hefur verið orðaður við stöðu yfirmanns knattspyrnumála hjá Manchester United en hann er ánægður hjá Ajax.

„Nei, ég er einbeittur á starf mitt sem framkvæmdastjóri Ajax," sagði Van der Sar.

„Við áttum frábært ár í Evrópu á síðasta tímabili og unnum deildina. Við viljum koma Ajax á hærri stall í Evrópu og komast í hóp þeirra bestu. Það er markmiðið," sagði hann í lokin.