Albert gerir sér vonir um að fara á HM.
Frá landsliðsæfingu.
Albert Guðmundsson (20) var maður leiksins þegar Ísland vann 6-0 sigur á Indónesíu á fimmtudag. Hann átti þátt í fjórum mörkum Íslands!
„Það var mjög skemmtilegt að fá að spila sinn fyrsta byrjunarliðslandsleik," hafði Albert að segja um leikinn gegn Indónesíu á fimmtudag.
„Það er frekar leiðinlegt og fúlt að leikurinn skemmdist svona í seinni hálfleik en það er kannski líka skemmtilegt að prófa eitthvað nýtt," sagði hann jafnframt.
„Það var mjög skemmtilegt að fá að spila sinn fyrsta byrjunarliðslandsleik," hafði Albert að segja um leikinn gegn Indónesíu á fimmtudag.
„Það er frekar leiðinlegt og fúlt að leikurinn skemmdist svona í seinni hálfleik en það er kannski líka skemmtilegt að prófa eitthvað nýtt," sagði hann jafnframt.
Albert fékk leyfi frá félagsliði sínu, PSV í Hollandi til að koma í þessa leiki gegn Indónesíu en íslensku strákarnir spila aftur gegn Indónesíu á morgun um hádegisbilið.
„Philipp Cocu, þjálfarinn minn, kom til mín og sagði við mig að ég ætti að nota sénsinn og reyna að komast á HM. Hann sagði að það myndi ekki hafa nein áhrif á stöðu mína hjá klúbbnum þannig að ég verð bara að treysta því."
„Ég þrái að fara á HM eins og allir aðrir fótboltamenn. Ég treysti á hæfileika mína, vonandi ná þeir að skína og vonandi koma þeir mér á HM. Það er bara einn hlutur sem ég þarf að gera fyrst og það er að vinna til þess."
Gerir ráð fyrir betra liði
Lið Indónesíu verður breytt á morgun og Albert gerir ráð fyrir sterkara liði en á fimmtudaginn.
„Ég vissi ekki mikið áður en ég kom hingað um Indónesíu. Hér búa margar milljónir og það hljóta að leynast einhverjir góðir fótboltamenn hérna," segir Albert.
„Ég geri ráð fyrir því að þetta verði fínt lið, betra en seinasta lið með fullri virðingu."
„Almennt það sem við erum búnir að renna yfir erum við búnir að tala um að þeir séu litlir, teknískir og snöggir leikmenn."
Viðtalið við Albert má sjá í heild sinni hér að neðan.
Athugasemdir
