Þorvaldur Örlygsson, þjálfari Stjörnumanna var heldur betur ósáttur með tap sinna manna gegn Víkingum fyrr í kvöld.
Víkingar komu í heimsókn á Samsungvöllinn í Garðabæ og sigruðu 3-2. Stjörnumenn sitja því í fallsæti eins og er ásamt ÍA með 1 stig.
Víkingar komu í heimsókn á Samsungvöllinn í Garðabæ og sigruðu 3-2. Stjörnumenn sitja því í fallsæti eins og er ásamt ÍA með 1 stig.
Lestu um leikinn: Stjarnan 2 - 3 Víkingur R.
„Það segir sig sjálft að við erum ekki ánægðir með úrslitin, en ég er ánægður með vinnuframlag og hugarfar leikmanna, þeir lögðu allt í þetta.''
„Við gefum þeim mörk og erum að elta leikinn en skorum tvö góð mörk og erum með stjórn á leiknum en svo má segja að hver einasti 50/50 dómur falli ekki með okkur þessa dagana.''
Toddi var ósáttur við dómgæsluna og talaði um vítaspyrnudóminn í Keflavík, hvað fannst honum um vítið vítið sem Víkingar fengu í dag?
„Sko, bolti fer í hendi og ekki hendi og útskýringar eru hvort það hafi áhrif eða ekki áhrif og þegar við gerðum tilkall til að fá hendi í seinni hálfleik þá var útskýringin önnur á samskonar atriði, hvernig við fáum ekki botn í það er ekki hægt að útskýra á einn eða annan hátt.''
Viðtalið í heild sinni má sjá hér að ofan en þar ræðir Toddi betur um byrjun tímabilsins, framhaldið og vandræði Stjörnunnar.
Athugasemdir
