Guðmundur Magnússon.
Sóknarmaðurinn Guðmundur Magnússon er á leiðinni í Breiðablik samkvæmt heimildum Fótbolta.net.
Félagaskiptaglugginn lokar á miðnætti og er verið að klára þessi skipti.
Félagaskiptaglugginn lokar á miðnætti og er verið að klára þessi skipti.
Gummi hefur spilað með Fram frá 2021 við góðan orðstír en að undanförnu hefur hann verið í minna hlutverki. Hann hefur í sumar skorað tvö mörk í 13 leikjum í Bestu deildinni.
Hann á best 17 mörk í 26 leikjum í Bestu deildinni með Fram árið 2022.
Gummi er uppalinn í Fram en hefur einnig spilað með Víkingi Ólafsvík, Keflavík, ÍBV, HK og Grindavík á sínum ferli.
Breiðablik er í þriðja sæti Bestu deildarinnar, fimm stigum frá toppnum. Fram er í sjötta sæti deildarinnar.
Athugasemdir
