Flóðljósin á Kópavogsvelli eru ekki nægilega öflug fyrir Evrópuleiki þegar lengra er komið í Evrópukeppnum og birtuskil fara að versna. Kvennalið félagsins er á leið í riðlakeppni Meistaradeildarinnar og framundan eru þrír heimaleikir á næstu þremur mánuðum.
Breiðablik mætir PSG, Real Madrid og Kharkiv í riðlakeppninni. Karlalið Breiðabliks mátti eftirminnilega ekki spila heimaleik sinn gegn Aberdeen, meðal annars vegna flóðljósanna, og lék á Laugardalsvelli í staðinn.
Sjá einnig:
Kópavogsvöllur uppfyllir ekki skilyrði (30. júlí)
Blikar þurfa að spila á Laugardalsvelli - Óskar skýtur á Kópavogsbæ (3. ágúst)
Breiðablik mætir PSG, Real Madrid og Kharkiv í riðlakeppninni. Karlalið Breiðabliks mátti eftirminnilega ekki spila heimaleik sinn gegn Aberdeen, meðal annars vegna flóðljósanna, og lék á Laugardalsvelli í staðinn.
Sjá einnig:
Kópavogsvöllur uppfyllir ekki skilyrði (30. júlí)
Blikar þurfa að spila á Laugardalsvelli - Óskar skýtur á Kópavogsbæ (3. ágúst)
„Sjónvarpið gerir kröfur um 800 LUX,“ segir Eysteinn Pétur Lárusson, framkvæmdastjóri Breiðabliks við mbl.is. Hann segir Breiðablik skoða nú hvað hægt sé að gera en á heildina litið sé félagið í erfiðri stöðu.
„Það er kannski hægt að eiga við núverandi möstur og gera eitthvað á vellinum til þess að ná þessu sem þarf að ná. Ef það gengur ekki þá er það bara Laugardalsvöllur."
Flóðlýsingin er orðin pólítískt mál í Kópavogi. Pétur Hrafn Sigurðsson, bæjarfulltrúi og oddviti Samfylkingarinnar í Kópavogi, skrifaði skoðunarpistil og birti á Vísi í dag. Fyrirsögnin á pistlinum er 'Breiðablik og heimavöllurinn'.
Á Kópavogsvelli er 500 lux lýsing sem er lágmarkskrafa KSÍ en það fullnægir ekki skilyrðum UEFA. Pétur Hrafn skrifar:
„Ég lagði því til að lýsingin yrði 800 lux sem myndi fullnægja kröfum UEFA. Sú tillaga var felld í bæjarráði með öllum greiddum atkvæðum gegn mínu. Ég bókaði eftirfarandi.
"Undirritaður telur ekki skynsamlegt að miða við lágmarkskröfur er varðar lýsingu á Kópavogsvöll sem er aðalleikvangur bæjarins. Mannvirkjunum er ætlað að nýtast næstu áratugi. Hætta er á að slíkar kröfur verði úreltar eftir nokkur ár og situr þá Kópavogur uppi með lýsingu sem ekki mætir kröfum nútímans. Eðlilegra er að miða lýsingarkröfur við 800 lux."
Bæjarstjórinn í Kópavogi Ármann Kr. Ólafsson sá ástæðu til að leggja fram eftirfarandi bókun: „Ákvörðun um lýsingu stenst þær kröfur sem gerðar eru til lýsingar á knattspyrnuvöllum.“
Pétur segir þetta hræðilega skammsýni bæjarfulltrúa í bæjarráði og það sé hlutverk sveitarfélaga að skapa aðstöðu fyrir íþróttafélögin.
„Þetta hefur haft í för með sér að karlalið Breiðabliks þurfti að leika á Laugardalsvelli gegn Aberdeen í Evrópukeppninni og féll úr keppni. Það má alveg leiða líkum að því að karlaliðið hefði komist áfram í næstu umferð ef liðið hefði leikið á sínum heimavelli enda þekkt að heimavöllurinn skiptir máli. Ef karlaliðið hefði komist áfram væru miljónatugir króna að streyma í kassann. Hver sigur Breiðabliks í Meistaradeild kvenna skilar milljónum í kassann og sigurlíkur auðvitað meiri ef leikið verður á heimavelli," skrifar Pétur.
Athugasemdir