Rodgers: Sýndist stóra táin vera í rangstöðu

„Þetta var mjög líkt fyrri leiknum sem við áttum á leiktíðinni. Við spiluðum mjög vel og stjórnuðum leiknum en misstum svo mann af velli á lokakaflanum. Við þurftum að sýna mikið hugrekki til að stöðva þá undir lokin," sagði Rodgers að leikslokum.

Willy Boly kom knettinum í netið fyrir Úlfana en markið dæmt af eftir endurskoðun með myndbandstækni. Þá fékk Hamza Choudhury sitt seinna gula spjald á 76. mínútu.

„Svona er leikurinn í dag, mér sýndist stóra táin hans vera í rangstöðu. Þeim finnst þetta eflaust harður dómur, það er óheppilegt að lenda í þessu.

„Mér fannst fyrra spjaldið ekki vera gult, hann var óheppinn að fá það spjald. Mér fannst þetta ekki vera rautt."