„Akkúrat núna er hann númer eitt. Venjulega myndiru segja að Kevin De Bruyne væri besti miðjumaður, ekki bara í úrvalsdeildinni, heldur í heiminum, en eitthvað er ekki alveg að smella. Ödegaard á í sínum leik, allir frábærir leikmenn eru með þennan eiginleika, það er eins og tíminn stöðvist þegar hann er með boltann," sagði Redknapp.

De Bruyne hefur átt erfitt uppdráttar að undanförnu hjá Manchester City og ekki alltaf verið í liðinu hjá Pep Guardiola. Ödegaard er á sama tíma algjör lykilmaður hjá Arsenal og risastór þáttur í sóknarleik liðsins.

Arsenal er á toppi úrvalsdeildarinnar og getur með sigri gegn Crystal Palace á sunnudag náð átta stiga forskoti á City sem spilar í enska bikarnum um helgina.