Sugawara er sókndjarfur bakvörður sem getur einnig spilað úti á hægri kanti og kemur til Southampton fyrir 7 milljónir evra.

Verðmiðinn á honum hefði verið hærri en hann átti aðeins eitt ár eftir af samningi sínum við AZ Alkmaar í Hollandi.

Sugawara er 24 ára gamall og hefur verið lykilmaður í sterku liði AZ undanfarin ár, auk þess að spila 13 sinnum fyrir A-landslið Japan.

Sugawara er sjötti leikmaðurinn sem gengur í raðir Southampton í sumar. Taylor Harwood-Bellis, Nathan Wood, Ronnie Edwards, Charlie Taylor og Adam Lallana eru allir búnir að skrifa undir samninga við Southampton í sumar.