Senol Gunes, landsliðsþjálfari Tyrkja, hefur tilkynnt byrjunarlið sitt fyrir leikinn gegn Íslandi klukkan 17:00.
Cenk Tosun, framherji Everton, er fjarri góðu gamni vegna meiðsla en Burak Yilmaz, fyrirliði Tyrkja, er á sínum stað í fremstu víglínu.
Hakan Calhanoglu, leikmaður AC Milan, kemur inn í liðið en hann kom inn á í hálfleik í síðasta leik gegn Frökkum. Cengiz Ünder, leikmaður Roma, kemur einnig inn eftir að hafa verið fjarri góðu gamni gegn Frökkum.
Ísland þarf sigur í dag til að halda í vonina um að komast beint á EM á næsta ári á meðan Tyrkjum dugar stig til að komast áfram. Ef Ísland vinnur í dag þarf liðið að vinna Moldóva á sunnudag og treysta á að Tyrkland vinni ekki Andorra á sama tíma.
Athugasemdir