Kantmaðurinn Jón Dagur Þorsteinsson var að jafna metin fyrir Ísland gegn Norður-Makedóníu.
„JÁJÁJÁJÁÁÁ!!! Sjaldséð sókn Íslands og við jöfnum í 1-1! Fyrsta skotið á markið," skrifaði Elvar Geir Magnússon í beinni textalýsingu.
„Stefán Teitur með langt innkast. Ísak sendir inn í teig á Brynjar Inga sem skallar boltann fyrir Jón Dag sem klárar vel."
Þetta er annað landsliðsmarkið sem Jón Dagur skorar fyrir Ísland; það fyrsta sem hann gerir í keppnisleik. Þessi kantmaður AGF í Danmörku hefur komið sterkur inn að undanförnu.
Ísland hefur byrjað seinni hálfleikinn vel eftir að hafa spilað ekki nægilega vel í fyrri hálfleik. Ef leikurinn endar svona, þá erum við að eyðileggja veisluna í Norður-Makedóníu - þeir missa þá af umspilssæti um að komast á HM.
Fyrir neðan má sjá myndband af markinu.
Jón Dagur Þorsteinsson jafnar metin. Staðan orðin 1-1! pic.twitter.com/VD76w0mP60
— RÚV Íþróttir (@ruvithrottir) November 14, 2021
Athugasemdir