Fótbolti.net

Gylfi sáttur með sigurinn: „Þessi seinni hálfleikur var mjög langur"

Jói hrósaði nýliðunum: Þær tóku fyrri hálfleikinn bara í nefið

Einar Guðna: Vindurinn tók boltann bara til baka

Anton Ingi pirraður: Við verðum að hafa kassann út í 90 mínútur

Matti Guðmunds svekktur: Lögðum líf og sál í þetta en fótboltinn er brútal

Margrét Brynja orðlaus: Gáfum allt í þetta og getum gengið stoltar af velli

Hrafnhildur Ása: Búin að bíða eftir stærra hlutverki og mitt að grípa það

Jón Óli: Þurfum að finna einhvern til að nudda á henni rassgatið

Alli Jói: Markmiðið er að berjast um hærra á töflunni

Linta hefur ekki áhyggjur - „Ekki í mínum höndum"

Valdimar færði KA ró - „Hefði viljað sjá okkur vera aðeins stærri"

Grímsi ósáttur með spilamennskuna - „Ætlum að halda okkur í topp sex"

Óskar Smári: Súrt tap og eigum hálfklárað verkefni fyrir norðan

Guðni eftir útisigur: „Algjört skólabókadæmi um að nýta breidd“

Guðný: Held það hafi enginn gert ráð fyrir þessu

Venni: Þurfum að hreiðra um okkur á toppnum

Elfar Árni: Viljum ekki hafa einhvern sem vill ekki vera hérna

Gunnar Heiðar talar um barnaleg mistök - „Verðum að gera betur í meistaraflokki"

Badu fann fyrir létti - „Ég á ekki að bregðast svona við"

Nenad: Er kominn með afsökun til að bekkja allt liðið

fim 14. nóvember 2024 09:50

Elvar Geir Magnússon

Andri Lucas: Geggjuð upplifun fyrir mig og mína fjölskyldu

Andri Lucas Guðjohnsen.

Mynd: Fótbolti.net - Hafliði Breiðfjörð

Sóknarmaðurinn Andri Lucas Guðjohnsen er brattur fyrir landsleikinn gegn Svartfjallalandi á laugardag. Hann ræddi við Fótbolta.net á hóteli íslenska landsliðsins á Spáni þar sem liðið æfir fyrir komandi verkefni.

Meðal annars fór hann yfir byrjun sína hjá Gent í Belgíu en Andri er með tvö mörk og eina stoðsendingu í þrettán leikjum fyrir liðið í belgísku deildinni, þá er hann með eina stoðsendingu í þremur leikjum í Sambandsdeildinni.

Hvernig metur hann byrjun sína hjá Gent?

„Bara ágætlega, maður er nokkuð sáttur með þetta. Maður er að fá að spila og er að spila nokkuð vel. Það er allt nýtt, margir ungir leikmenn og nýtt þjálfarateymi. Arnar (Þór Viðarsson) er nýkominn inn líka. Við erum að spila ágætlega, erum í fimmta sæti í deildinni og höfum unnið alla Evrópuleikina nema gegn Chelsea úti. Svo erum við komnir áfram í bikarnum svo við erum nokkuð sáttir," segir Andri Lucas.

Í síðasta mánuði fór hann á fornar slóðir föður síns þegar Gent heimsótti Chelsea í Sambandsdeildinni. Eiður Smári var í stúkunni og fleiri úr fjölskyldu Andra. Chelsea vann leikinn 4-2 en Andri segir að upplifunin á að spila á vellinum hafi verið frábær.

„Það var geggjað. Leikur sem allir fótboltamenn vilja spila, gegn Chelsea á Stamford Bridge. Það var geggjuð upplifun. Mamma og pabbi mættu, litla systir og stóri bróðir. Daníel Tristan komst því miður ekki. Þetta var geggjuð upplifun fyrir mig og mína fjölskyldu."

Í viðtalinu ræðir Andri um komandi landsleik, endurkomu Arons Einars og bróður sinn Daníel Tristan.