Það gladdi marga þegar KSÍ veitti KV formlegt leyfi til að taka þátt í íslensku 1. deildinni á komandi tímabili.
KV fær þó líklega ekki að spila á KV Park, heimavelli sínum, vegna slakrar aðstöðu svo liðið mun líklega spila sína heimaleiki í Egilshöllinni.
KV fær þó líklega ekki að spila á KV Park, heimavelli sínum, vegna slakrar aðstöðu svo liðið mun líklega spila sína heimaleiki í Egilshöllinni.
Við duttum þá í smá spjall við Björn Berg, framkvæmdastjóra KV, sem var hress og lýsti dramatíkinni í aðdragandanum að ákvörðun KSÍ.
,,Það er vægast sagt undarlegt hvernig staðið er að þessu. Við byrjuðum umsóknarferli síðasta haust þar sem við vorum að vinna með leyfisstjóra sem var gott og er bara eðlilegt ferli," sagði Björn.
,,Ég veit til dæmis ekki, í dag, hvers vegna völlurinn er ekki löglegur. Það var farið yfir völlinn, hann mældur og skráður og allt saman í janúar og við fengum engin viðbrögð við því og höfum ekki ennþá fengið að heyra hvað hefði mátt gera betur.
,,Við vitum hvað þeir eru að setja útá. Við fengum aldrei tækifæri til þess að laga neitt eða gera neinar breytingar vegna þess að það var aldrei talað um að breytinga væri þörf.
,,Við fengum bara nei með gríðarlega stuttum fyrirvara og leituðum því til Egilshallar og fengum öll leyfi til að spila þar.
,,Það er langur tími í mót og hægt að skoða þessi mál aðeins frekar. Þetta er auðvitað eins og einhverjir hafa verið að benda á, ég held að allir okkar andstæðingar og stuðningsmenn þeirra vilji frekar mæta okkur á gervigrasinu heldur en í Egilshöllinni."
Athugasemdir
