Ollie Watkins, framherji Aston Villa, var ekki valinn í fyrsta enska landsliðshópinn hjá Thomas Tuchel sem mætir Albaníu og Lettlandi í undankeppni HM síðar í þessum mánuði.
Watkins hefur skorað 13 mörk og lagt upp sex í 29 leikjum í úrvalsdeildinni á þessari leiktíð en hann og Tuchel komust að samkomulagi að hann myndi ekki taka slaginn í þetta sinn.
Watkins er nefninlega að berjast við smávægileg hnémeiðsli og það er gríðarlega mikilvægir tímar framundan hjá Aston Villa sem er komið í átta liða úrslit Meistaradeildarinnar og er í harðri baráttu um Evrópusæti í deildinni.
Aðeins tveir hreinræktaðir framherjar eru í enska hópnum en það eru þeir Harry Kane og Dominic Solanke.
Athugasemdir
