Atalanta 0 - 1 Juventus
0-1 Dusan Vlahovic ('4)
0-1 Dusan Vlahovic ('4)
Atalanta og Juventus áttust við á Ólympíuleikvanginum í Róm í úrslitaleik ítalska bikarsins í kvöld og skoraði Dusan Vlahovic fyrsta mark leiksins strax á fjórðu mínútu.
Hann slapp í gegn eftir laglega sendingu frá Andrea Cambiaso og stakk sænska miðvörðinn Isak Hien, sem var illa staðsettur, af áður en hann skoraði framhjá Marco Carnesecchi.
Það var hart barist í Róm þar sem bæði lið fengu góð færi til að bæta mörkum við leikinn en inn rataði boltinn ekki.
Vlahovic setti boltann aftur í netið í síðari hálfleik en markið ekki dæmt gilt vegna ótrúlega naumrar rangstöðu.
Atalanta fann ekki leiðir í gegnum sterkan varnarmúr Juve og tókst ekki að jafna leikinn. Lokatölur urðu því 1-0 fyrir Juventus sem tryggði sér bikartitilinn í fimmtánda sinn.
Juve hafði ekki unnið bikarinn síðan 2021 en er langsigursælasta lið keppninnar.
Sigursælustu félög frá upphafi Coppa Italia:
1. Juventus - 15
2-3. Inter - 9
2-3. Roma - 9
4. Lazio - 7
5-6. Fiorentina - 6
5-6. Napoli - 6
6-7. Milan - 5
6-7. Torino - 5
8. Sampdoria - 4
9. Parma - 3
10. Bologna - 2
Athugasemdir