Síðustu leikir fyrstu umferðar Evrópumótsins fara fram í dag. Ríkjandi Evrópumeistarar frá Portúgal mæta til leiks á útivelli gegn Ungverjalandi.
Spilað verður fyrir framan 60 þúsund áhorfendur í fyrsta sinn í langan tíma og því má búast við alvöru stemningu á vellinum.
Ungverjar eru á heimavelli en Portúgalir eru með ógnarsterkt lið, sem er betra í dag heldur en það var fyrir fimm árum þegar Eder skoraði sigurmarkið í úrslitaleiknum gegn Frakklandi.
Ruben Dias, Bruno Fernandes, Cristiano Ronaldo, Bernardo Silva og Diogo Jota eru meðal byrjunarliðsmanna í ógnarsterku liði Evrópumeistaranna sem geyma stjörnur á borð við Joao Felix og Andre Silva á bekknum.
Frakkland og Þýskaland eru einnig í riðlinum svo það er gífurlega mikilvægt fyrir Portúgali að ná í sigur hér. Sex byrjunarliðsmenn Portúgals spila í ensku úrvalsdeildinni.
Ungverjaland: Gulacsi, Sallai, A. Szalai, Botka, Kleinheisler, Lovrencscis, Schäfer, Fiola, Nagy, Orban, Á. Szalai
Portúgal: Patricio, Semedo, Dias, Pepe, Guerreiro, Pereira, Carvalho, Fernandes, B. Silva, Jota, Ronaldo
Athugasemdir