Grindavík 1 - 0 Fjölnir (19:15 í kvöld)
Helgi Sig masterclass verður til þess að Fjölnismenn tapa sínum fyrsta leik. Þjálfaranum til mikillar gleði þá mætir Edi Horvat í teiginn og klárar þennan leik fyrir þá.

Grótta 0 - 2 Ægir (19:15 í kvöld)
Nenad og hans hundtryggi aðstoðarmaður Baddi, sjóða saman stórkostlegt leikplan. Fyrsti sigur Ægismanna, fyrsta hreina lakið og Rolin hrekkur í gang með tveimur mörkum. Fullkominn dagur fyrir Þorlákshafnarbúa.

Þór 4 - 3 Selfoss (18:00 á morgun)
Þetta verður leikur umferðarinnar, sjö mörk og að minnsta kosti tvö rauð. Besti skallamaður landsins, Alexander Már, skorar öll mörk Þórsara með hausnum. Gary Martin og Gummi Tyrfings skora fyrir gestina.

Afturelding 3 - 0 Njarðvík (19:15 á morgun)
Sigling Aftureldingar strandar ekki hér og þeir vinna þægilegan 3-0 sigur. Aron Elí, Arnór Gauti og Rasmus með mörkin.

ÍA 5 - 0 Þróttur R. (19:15 á morgun)
Skagamenn tengja saman sigra og senda skilaboð í deildina með flugeldasýningu. Markaskorun verður bróðurlega dreift og enginn gerir tvö. Viktor Jóns og Steinar skora. Indriði og Hákon Ingi skora ekki. Þessi Haukur á miðjunni er ansi efnilegur og ég held að hann leggi upp þrjú.

Vestri 1 - 1 Leiknir R. (28. júní)
Jafntefli í leik þar sem baráttan verður í fyrirrúmi. Bæði lið skora úr víti og verða jafn óánægð með stigið.

Fyrri spámenn:
Þráinn Orri Jónsson (3 réttir)
Gunnar Birgisson (3 rétt)
Gunnar Þorsteinsson (2 réttir)
Birnir Snær Ingason (2 réttir)
Sævar Atli Magnússon (2 réttir)
Aron Jóhannsson (1 réttur)