Fjölmiðlar í Gana halda því fram að kantmaðurinn efnilegi Callum Hudson-Odoi sé búinn að ákveða að spila fyrir landslið Gana frekar en landslið Englendinga eftir úrslitaleik Evrópumótsins.
Kynþáttaníðið sem samlandar hans, hinir efnilegu Bukayo Saka, Marcus Rashford og Jadon Sancho, máttu þola eftir tap í úrslitaleiknum var dropinn sem fyllti mælinn.
Hudson-Odoi er hneykslaður á níðinu og vill forðast að verða fyrir barðinu á því sjálfur. Hann vill ekki spila fyrir fólk sem níðist svo á honum.
Hudson-Odoi er 20 ára gamall og á 3 leiki fyrir A-landslið Englands. Fyrir það spilaði hann 42 leiki fyrir yngri landslið Englands og hann má skipta yfir til Gana.
Athugasemdir