Diljá Ýr er lykilkona í liði Leuven
Landsliðskonan Diljá Ýr Zomers var í byrjunarliði Leuven sem gerði 1-1 jafntefli við Genk í belgísku úrvalsdeildinni í kvöld.
Diljá kom til Leuven frá Norrköping fyrr á þessu ári en hún hefur tekið þátt í öllum fjórum leikjum deildarinnar til þessa.
Hún spilaði klukkutíma í annars svekkjandi jafntefli gegn Genk en tókst ekki að komast á blað.
Diljá, sem spilaði með FH, Stjörnunni og Val hér heima, er komin með þrjú mörk í belgísku deildinni en Leuven er með tíu stig eftir fyrstu fjóra leikina og er sem stendur í efsta sæti deildarinnar.
Athugasemdir
