Guðrún skoraði tvö mörk fyrir Rosengård
Glódís spilaði í svekkjandi jafntefli gegn Freiburg
Íslenska landsliðskonan Glódís Perla Viggósdóttir var með fyrirliðabandið er Bayern München gerði svekkjandi 2-2 jafntefli gegn Freiburg í fyrstu umferð þýsku deildarinnar í kvöld. Guðrún Arnardóttir gerði þá tvö mörk í 3-1 sigri Rosengård á Brommapojkarna í sænsku úrvalsdeildinni.
Bayern tilkynnti í dag að Glódís verður nýr fyrirliði liðsins á þessu tímabili en Sarah Zadrazil og Georgia Stanway verða með henni í fyrirliðahópnum.
Liðið lék sinn fyrsta leik í deildinni í kvöld og stefndi allt í sigur en þegar tæpar sjö mínútur voru komnar fram yfir venjulegan leiktíma jafnaði Svenja Folmli fyrir Freiburg og tryggði liðinu stig.
Svekkjandi úrslit fyrir ríkjandi meistara Bayern.
Glódís lék allan leikinn í hjarta varnarinnar en Cecilía Rán Rúnarsdóttir var ekki í hópnum í dag vegna meiðsla.
Guðrún skoraði tvö í sigri
Guðrún Arnardóttir, varnarmaður Rosengård í Svíþjóð, skoraði tvívegis í 3-1 sigri liðsins á Brommapojkarna í úrvalsdeildinni í dag.
Rosengård var marki undir áður en Guðrún jafnaði á 72. mínútu leiksins. Liðið bætti við öðru fimm mínútum síðar áður en Guðrún gerði út um leikinn fjórum mínútum fyrir leikslok.
Rosengård er í fimmta sæti deildarinnar með 36 stig.
Athugasemdir
