Valskonur töpuðu gegn Stjörnunni í Bestu deild kvenna í gær eftir að hafa tryggt sér titilinn heima í stofu eftir sigur Þór/KA gegn Breiðablik í fyrra dag.
Í dag verður dregið í umspili um sæti í riðlakeppni Meistaradeildarinnar og Valur er í pottinum.
Pétur Pétursson þjálfari liðsins vill hefna fyrir tap liðsins gegn Galsgow City í Meistaradeildinni um árið.
„Ég held við fáum Glasgow City. Við spiluðum við þær árið 2019 og mér finnst að við eigum eftir að hefna fyrir það að tapað í vítaspyrnukeppni og dómarinn sleppti víti í restinni af leiknum," sagði Pétur.
Dregið verður kl 11 að íslenskum tíma.
Athugasemdir
