Eddie Howe, stjóri Newcastle, staðfesti á fréttamannafundi í dag að viðræður um nýjan samning við Bruno Guimaraes, miðjumann liðsins og eina skærustu stjörnu þess, væru í gangi.
„Viðræður eru í gangi. Ég held að þetta hafi engin áhrif á Bruno; þetta fer fram í gegnum hans umboðsaðila og félagið. Hann hefur verið mjög góður, mjög jákvæður," sagði Howe.
„Viðræður eru í gangi. Ég held að þetta hafi engin áhrif á Bruno; þetta fer fram í gegnum hans umboðsaðila og félagið. Hann hefur verið mjög góður, mjög jákvæður," sagði Howe.
„Hann er aftur kominn með jákvæða áru í kringum sig. Hann er algjör lykilmaður og við þurfum hann upp á sitt besta."
Guimaraes er 25 ára brasilískur miðjumaður sem Newcastle keypti frá Lyon í janúar 2022 og hefur verið einn allra besti leikmaður liðsins frá þeim tímapunkti. Núgildandi samningur rennur út í júní 2026.
Framundan hjá Newcastle er leikur gegn Brentford seinni partinn á morgun. Newcastle hefur farið hikstandi af stað á nýju tímabili og vill Howe komast á beinu brautina.
Hann sagði á fundinum að Sven Botman gæti snúið aftur í liðið eftir meiðsli en hann greindi þá frá því að Sandro Tonali glímdi við smávægileg meiðsli.
Athugasemdir
