fim 15. desember 2022 15:19
Guðmundur Aðalsteinn Ásgeirsson
Benzema tilbúinn að mæta aftur í franska hópinn
Karim Benzema.
Karim Benzema.
Mynd: Getty Images
Fjölmiðlar á Spáni halda því fram að sóknarmaðurinn Karim Benzema sé tilbúinn að mæta aftur í franska landsliðshópinn fyrir úrslitaleikinn á HM.

Frakkland mætir Argentínu í úrslitaleiknum á sunnudaginn.

Benzema, sem var valinn besti fótboltamaður í heimi fyrir nokkrum vikum síðan, átti að vera ein helsta stjarna Frakka á mótinu en meiddist í aðdraganda þess.

Hann er núna búinn að jafna sig af meiðslunum og hefur verið að æfa undanfarna daga.

Didier Deschamps, landsliðsþjálfari Frakklands, hefur verið spurður út í það hvort Benzema muni mæta aftur í hópinn en hefur ekki viljað svara fyrir um það.

Mundo Deportivo segir að Benzema sé tilbúinn að fara aftur í hópinn en ákvörðunin liggur hjá Deschamps. Liðinu hefur gengið vel án Benzema en hæfileikar hans eru þó óumdeildir.
Athugasemdir
banner
banner
banner