Derby braut fjárlög - Fær líklega mínusstig

Félög í Championship mega ekki skila meira en 39 milljón punda tapi á þriggja ára tímabili. Eigandi Derby, Mel Morris, vissi að það yrði erfitt að halda sér innan fjárlaganna og seldi sjálfum sér Pride Park, heimavöll Derby, fyrir 80 milljónir punda.

Salan á heimavellinum virðist ekki hafa verið nóg því stjórn ensku neðrideildanna telur félagið vera í alltof miklum mínus síðustu þrjú ár. Stjórnin hefur kært málið og hrint af stað rannsókn sem er unnin af óháðri aganefnd.

Derby á yfir höfði sér þunga refsingu ef fyrra dæmi er skoðað. Birmingham City fékk 9 mínusstig fyrir brot á fjárlögum á síðustu leiktíð.

Derby er þessa stundina í 17. sæti deildarinnar, 10 stigum fyrir ofan fallsvæðið. Wayne Rooney er á mála hjá félaginu.