,,Mér fannst þetta lélegt, mér fannst við ólíkir sjálfum okkur og við getum prísað okkur sæla með eitt stig," sagði Atli Viðar Björnsson framherji FH eftir 3-3 jafntefli við Val í kvöld en afhverju er spilamennskan svona léleg hjá þetta góðu liði sem FH er?
Lestu um leikinn: FH 3 - 3 Valur
,,Virkilega góð spurning, ég held að við höfum ekki svar við henni eins og er. Við þurfum að líta okkur nær og taka okkur saman í andltinu. Við getum prísað okkur sæla með að ná að stela stigi í þessum leik miðað við frammistöðuna og hvernig þetta þróaðist."
Atli Viðar skoraði tvö mörk í kvöld eftir að hafa komið inná sem varamaður.
,,Það er hægt að brosa aðeins í gegnum tárin en á endanum er þetta bara eitt stig sem við fáum og þar af leiðandi er maður ekkert himinlifandi," sagði Atli Viðar sem er enn varamaður hjá FH þrátt fyrir að spila vel. Er han ekki ósáttur við það?
,,Ég er alltaf ósáttur við að sitja á bekknum, ég vil spila. Það er ekkert leyndarmál en maður heldur haus og bíður og vonar að maður fái séns í næsta leik," sagði Atli sem skoraði draumamark í síðasta leik gegn Fylki eftir að hafa komið inná sem varamaður.
,,Það skilaði mér ekki í liðið í dag, þá er að halda áfram og sjá hvað setur. Eina leiðin til að láta vita að ég sé ósáttur er að standa sig á æfingum og í leikjum og ég reyni að gera það."
Athugasemdir
