Afturelding og Leiknir eigast við í umspilinu.
Núna er það ljóst hvernig umspilið í Lengjudeildinni lítur út. Deildarkeppnin kláraðist í dag. Leikið er eftir nýju fyrirkomulagi þar sem aðeins efsta lið deildarinnar fer beint upp í Bestu deildina en liðin í sætum 2-5 fara í umspil um hitt lausa sætið.
ÍA hafði betur gegn Aftureldingu í baráttunni um efsta sæti deildarinnar og fer því beint upp í Bestu deildina. Afturelding fer í umspiið.
Mosfellingar munu mæta Leikni sem endaði í fimmta sæti deildarinnar. Í hinu einvíginu mætast Vestri og Fjölni.
Í undanúrslitum er leikið heima og að heiman og svo verður hreinn úrslitaleikur um sæti í Bestu deildinni sem spilaður verður á Laugardalsvelli. Sá leikur er kallaður '50 milljóna króna leikurinn'. Búið er að reikna út að sigurliðið muni fá 50 milljónir aukalega í tekjur með því að komast upp.
20 september
Leiknir R. - Afturelding (Domusnovavöllurinn)
Vestri - Fjölnir (Olísvöllurinn)
24. september
Afturelding - Leiknir R. (Malbikstöðin að Varmá)
Fjölnir - Vestri (Extra völlurinn)
30. september
Úrslitaleikurinn
Athugasemdir
