Di Zerbi hefur látið Trossard æfa með varaliði félagsins og valdi hann ekki í hópinn þegar Brighton mætti Liverpool um liðna helgi. Ítalski stjórinn er ekki ánægður með vinnuframlagið hjá Trossard fá komu hans frá Katar þar sem hann var með belgíska landsliðinu á HM.

Umboðsmaður Trossard segir skjólstæðing sinn vilja fara. Tottenham kom með munnlegt tilboð í Trossard en því var neitað þar sem Brighton vill fá talsvert hærri upphæð fyrir leikmanninn.

Chelsea og Arsenal eru einnig sögð hafa áhuga á Belganum sem hefur skorað sjö mörk í sextán leikjum á tímabilinu.

Trossard er 28 ára kantmaður sem á eitt og hálft ár eftir af samningi sínum við Brighton. Hann kom til Brighton frá Genk sumarið 2019.