Tottenham fékk til sín Dejan Kulusevski og Cristian Romero að láni úr ítalska boltanum á leiktíðinni. Romero kom frá Atalanta síðasta haust og Kulusevski frá Juventus í janúar og fylgdi kaupmöguleiki með þeim báðum.
Þeir hafa báðir staðið sig vel undir stjórn Antonio Conte og ætlar félagið að festa kaup á þeim.
Fabrizio Romano greinir frá þessu og segir heildarupphæðina sem Totttenham borgar fyrir leikmennina nema um 80 milljónum evra - 50 fyrir Romero og 30 fyrir Kulusevski.
Romero er miðvörður fæddur 1998 og Kulusevski er kantmaður fæddur 2000. Báðir eru þeir byrjunarliðsmenn í landsliðum sínum - Romero er argentínskur og Kulusevski sænskur.
Athugasemdir
