Pepsi Max-deildin: Tvö sjálfsmörk urðu Val að falli gegn ÍA

Við fengum gríðarlega óvænt úrslit í Pepsi Max-deild karla í kvöld en eina leik dagsins var nú að ljúka.

Íslandsmeistarar Vals heimsóttu þá lið ÍA en það fyrrnefnda var á toppnum fyrir leikinn og það síðarnefnda á botninum.

Fáir bjuggust við öðru en sigri Valsmanna en ÍA hafði fyrir leikinn aðeins unnið eina viðureign í sumar.

Það varð þó breyting á því í kvöld en tvö sjálfsmörk enduðu á því að tryggja Skagamönnum stigin þrjú á Akranesi.

Fyrra markið skoraði Sebastian Hedlund á 49. mínútu en hann skallaði þá boltann í eigið net eftir hornspyrnu.

Johannes Val setti svo boltann í eigið net á 65. mínútu og ÍA óvænt komið í 2-0.

Kaj Leo í Bartolsstovu minnkaði muninn fyrir Val átta mínútum síðar en lengra komust meistararnir ekki og vinnur ÍA sinn annan leik í sumar.