Arsenal 2 - 1 Burnley
1-0 Alexandre Lacazette ('13)
1-1 Ashley Barnes ('43)
2-1 Pierre-Emerick Aubameyang ('64)
1-0 Alexandre Lacazette ('13)
1-1 Ashley Barnes ('43)
2-1 Pierre-Emerick Aubameyang ('64)
Jóhann Berg Guðmundsson spilaði fyrstu 72 mínúturnar er Burnley tapaði fyrir Arsenal á Emirates leikvanginum.
Heimamenn byrjuðu af krafti og skoraði Alexandre Lacazette eftir hornspyrnu. Dani Ceballos, lánsmaður frá Real Madrid, átti snertingu á boltanum áður en hann fór til Lacazette sem gerði frábærlega að hleypa af skoti úr erfiðu færi.
Vörn Arsenal leit ekki of vel út í fyrri hálfleik og jafnaði Ashley Barnes rétt fyrir leikhlé. David Luiz, sem átti þokkalegan leik, virtist missa einbeitinguna og hélt honum réttstæðum. Þetta var tólfta úrvalsdeildarmark Barnes á árinu og eru aðeins Sadio Mane og Sergio Agüero búnir að skora meira yfir sama tíma.
Arsenal tók meiri stjórn á leiknum í síðari hálfleik og skoraði Pierre-Emerick Aubameyang glæsilegt mark eftir sendingu frá Ceballos. Spænski miðjumaðurinn er sá þriðji í úrvalsdeildarsögu Arsenal til að leggja upp tvö mörk í sínum fyrsta byrjunarliðsleik, eftir Ray Parlour og Henrikh Mkhitaryan.
Sigur Arsenal virtist ekki í hættu eftir mark Aubameyang og komust heimamenn nálægt því að bæta þriðja markinu við en inn vildi boltinn ekki. Þetta er því fullkomin byrjun á tímabilinu fyrir Unai Emery eftir sigur gegn Newcastle í fyrstu umferð.
Burnley er með þrjú stig eftir góðan 3-0 sigur á Southampton í fyrstu umferð.
Arsenal á stórleik við Liverpool á Anfield um næstu helgi á meðan Burnley heimsækir Wolves.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 17 | 12 | 3 | 2 | 31 | 10 | +21 | 39 |
| 2 | Man City | 17 | 12 | 1 | 4 | 41 | 16 | +25 | 37 |
| 3 | Aston Villa | 16 | 10 | 3 | 3 | 25 | 17 | +8 | 33 |
| 4 | Chelsea | 17 | 8 | 5 | 4 | 29 | 17 | +12 | 29 |
| 5 | Liverpool | 17 | 9 | 2 | 6 | 28 | 25 | +3 | 29 |
| 6 | Sunderland | 17 | 7 | 6 | 4 | 19 | 17 | +2 | 27 |
| 7 | Man Utd | 16 | 7 | 5 | 4 | 30 | 26 | +4 | 26 |
| 8 | Crystal Palace | 17 | 7 | 5 | 5 | 21 | 19 | +2 | 26 |
| 9 | Brighton | 17 | 6 | 6 | 5 | 25 | 23 | +2 | 24 |
| 10 | Everton | 17 | 7 | 3 | 7 | 18 | 20 | -2 | 24 |
| 11 | Newcastle | 17 | 6 | 5 | 6 | 23 | 22 | +1 | 23 |
| 12 | Brentford | 17 | 7 | 2 | 8 | 24 | 25 | -1 | 23 |
| 13 | Tottenham | 17 | 6 | 4 | 7 | 26 | 23 | +3 | 22 |
| 14 | Bournemouth | 17 | 5 | 7 | 5 | 26 | 29 | -3 | 22 |
| 15 | Fulham | 16 | 6 | 2 | 8 | 23 | 26 | -3 | 20 |
| 16 | Leeds | 17 | 5 | 4 | 8 | 24 | 31 | -7 | 19 |
| 17 | Nott. Forest | 16 | 5 | 3 | 8 | 17 | 25 | -8 | 18 |
| 18 | West Ham | 17 | 3 | 4 | 10 | 19 | 35 | -16 | 13 |
| 19 | Burnley | 17 | 3 | 2 | 12 | 19 | 34 | -15 | 11 |
| 20 | Wolves | 17 | 0 | 2 | 15 | 9 | 37 | -28 | 2 |
Athugasemdir
