Daði Berg Jónsson, leikmaður Vestra, gat ekki spilað með liðinu gegn Þór í Mjólkurbikarnum vegna nárameiðsla.
Hann fer á morgun í myndatöku til að kanna alvarleika meiðslanna. Það verður að teljast ólíklegt að hann verði með gegn FH í 12. umferð Bestu deildarinnar á sunnudag, en Vestramenn halda í vonina.
Hann fer á morgun í myndatöku til að kanna alvarleika meiðslanna. Það verður að teljast ólíklegt að hann verði með gegn FH í 12. umferð Bestu deildarinnar á sunnudag, en Vestramenn halda í vonina.
Lestu um leikinn: Vestri 2 - 0 Þór
Daði er 19 ára sóknarsinnaður miðjumaður sem er á láni hjá Vestra frá Víkingi og hefur verið einn allra besti leikmaður deildarinnar á tímabilinu.
„Við erum aðeins að spara hann. Daði fann eitthvað örlítið til, þannig bara spörum hann og vonandi verður hann klár á sunnudaginn,“ sagði Davíð Smári Lamude, þjálfari Vestra, við Fótbolta.net þegar hann var spurður út í Daða eftir leikinn í kvöld.
Athugasemdir
