Daníel Tristan byrjaði í fyrsta Meistaradeildarleik sínum
Hákon Arnar er kominn á blað á undirbúningstímabilinu
Daníel Tristan Guðjohnsen spilaði sem fremsti maður í öruggum 3-1 sigri Malmö á Iberia í 1. umferð í forkeppni Meistaradeildar Evrópu í dag.
Framherjinn hefur verið að spila ágætlega með Malmö undanfarið og komið við sögu í tíu leikjum í sænsku deildinni.
Hann hafði aðeins spilað einn Evrópuleik með liðinu fram að leiknum í dag, en þetta var sá fyrsti í Meistaradeildinni, og vonandi einn af mörgum.
Daníel, sem er 19 ára gamall, spilaði klukkutímaleik. Arnór Sigurðsson var á bekknum en kom ekkert við sögu.
Guðmundur Þórarinsson var ekki í hópnum hjá Noah sem vann 1-0 sigur á Buducnost frá Svartfjallalandi.
Jón Dagur Þorsteinsson byrjaði hjá Herthu Berlín sem lagði TSV Havelse að velli, 3-2, í æfingaleik.
Hákon Arnar Haraldsson, varafyrirliði íslenska landsliðsins, var á skotskónum með franska liðinu Lille er það vann varalið Gent, 2-0, í æfingaleik í dag.
Þetta var fyrsti leikur Lille á undirbúningstímabilinu en Skagamaðurinn skoraði fyrra mark liðsins.
Hákon átti frábæra móttöku í teignum, sem fíflaði markvörðinn og var eftirleikurinn afar auðveldur fyrir Hákon sem er kominn á blað.
33' I ???? 1?-0? ??
— LOSC (@LOSC_EN) July 8, 2025
LOSC leads 1-0 ????
Marius Broholm sets up Hakon Haraldsson ????#LOSCGNT
pic.twitter.com/R9Qb8qaWpI
Athugasemdir
