Ítalía: Mourinho sá rautt í tapi

Hinn 18 ára gamli Giorgio Scalvini skoraði markið fyrir Atalanta í fyrri hálfleik.

Jose Mourinho stjóri Roma fékk að líta rauða spjaldið í síðari hálfleik þegar hann strunsaði út á völl til þess að mótmæla dómaranum. Hann vildi meina að sínir menn hafi átt að fá vítaspyrnu þegar brotið var á Nicolo Zaniolo.

Þetta var annað tap Roma í deildinni á þessari leiktíð. Liðið er með 13 stig í 6. sæti en Atalanta er á toppnum með 17 stig eftir sjö umferðir.