Fótbolti.net

Hildur María svekkt: „Þetta var bara stöngin út“

Sigríður Theódóra: „Það var aldrei spurning um annað en að vera þar áfram“

Elmar Atli: Of graðir inn í seinni hálfleik

Heimir: Fórum í gildrurnar sem þeir settu fyrir okkur

Kennie: Pirraði mig mjög mikið

Úlfur Ágúst: Veit ekki hvað gerist í hálfleik

Rúnar Kristins: Ekki fallegur fótbolti en ég er með marga klóka menn

Jói Kalli: Gríðarlega svekktur

Aron þreyttur: Kærkomið að komast inn á völlinn aftur

Halli vildi tvö víti: Þeir fá að hanga alltof mikið í Ljúbba

Sölvi: Reynsluleysi hjá mér að gleyma að ég var búinn að skipta markmanninum inn á

Linta: Ef orkan er ekki til staðar skiptir taktík ekki máli

Kristófer Ingi: Hann er örugglega búinn að vera okkar besti maður

Hefur mikla trú á leikstíl ÍBV - „Gekk ekki upp í fyrstu hjá Víkingum"

Viktor Jóns: Ég tók eftir því að varnarlínan var helvíti framarlega

Lárus Orri: Þetta er tvöfalt, stigin og frammistaðan

Jökull: Menn eru bara sofandi

Óli Skúla: Til skammar og hrikalegt fyrir Eyjamenn að þetta sé staðan

Óskar Hrafn: Þú hefur margt fyrir þér í því

Stefán Árni: Unun að fá að deila velli með honum

mið 19. júní 2024 23:33

Stefán Marteinn Ólafsson

Orðinn markahæstur í sögu Njarðvíkur: Stoltur og stór áfangi fyrir mig

Kenneth Hogg varð markahæstur í sögu Njarðvíkur í kvöld

Mynd: Fótbolti.net - Hafliði Breiðfjörð

Njarðvíkingar heimsóttu Gróttu á Vivaldi vellinum á Seltjarnarnesi þegar 8.umferð Lengjudeildarinnar hóf göngu sína í kvöld.

Njarðvíkingar gátu með sigri í kvöld tyllt sér á toppinn í deildinni um stundarsakir hið minnsta.

Lestu um leikinn: Grótta 2 - 3 Njarðvík

„Þetta var stórt. Við tökum bara einn leik í einu. Þetta eru þrjú stig sem taka okkur á toppinn á töflunni." Sagði Kenneth Hogg fyrirliði Njarðvíkur eftir leikinn í kvöld.

„Að mínu mati áttum við skilið sigurinn. Við vorum mun betri með boltann og fengum fullt af færum en maður veit aldrei þegar það er rautt spjald og svo skora þeir undir restina og þá verður þetta mun erfiðara fyrir síðustu mínúturnar. Á Íslandi eru síðustu fimm mínúturnar í leikjum alltaf klikkaðar en mér fannst við eiga sigurinn skilið."

Þrátt fyrir að Grótta hafi skorað seint í leiknum mátti ekki sjá á Njarðvíkingum að þeir færu í eitthvað panic.

„Nei við höfum vaxið mikið sem lið síðan á síðasta tímabili. Við erum mun öruggari á boltanum og án bolta. Við getum spilað mismunandi týpur af fótbolta. Ég held að reynslan sé bara meiri hjá strákunum og liðið er líka bara reynslumikið og strákarnir vita hvað þeir eiga að gera."

Kenneth Hogg skráði sig í sögubækur Njarðvíkur í kvöld en hann varð markahæsti leikmaðurinn í sögu félagasins þegar hann skoraði sitt 75.mark fyrir félagið.

„Ég er auðvitað mjög stoltur. Ég er stoltur af því að spila fyrir Njarðvík. Ég hef verið hér í átta ár núna á Íslandi og eytt sjö þeirra í Njarðvík. Félagið er eins og mitt heimili og þegar ég flutti fyrst hingað þá var ég bara einn svo þeir hafa hugsað um mig allan tímann svo ég er mjög stoltur og stoltur að gera þetta fyrir félagið. Þetta er stór áfangi fyrir mig auðvtiað og ég vona að ég geti bætt fleirri mörkum við fyrir lok tímabils. Ég framlengdi samningnum mínum um tvö ár svo ég verð hérna í nokkur ár í viðbót. Á meðan ég er hraustur og klár þá mun ég alltaf gera mitt besta fyrir félagið."