Cantwell er 21 árs gamall. Hann hefur skorað sex mörk og lagt upp tvö í ensku úrvalsdeildinni í vetur.

Manchester City, Tottenham og Manchester United hafa líka áhuga á Cantwell en Liverpool ku vera í bílstjórasætinu í baráttunni um hann. Talið er að Norwich vilji fá 30 milljónir punda fyrir kauða.

„Hann getur mögulega orðið nægilega góður í framtíðinni, en mér finnst hann ekki hafa gert nógu mikið núna til að spila á svo háu stigi," sagði McManaman í pistli sem hann skrifaði og Goal vitnar í.

„Það myndi koma mér mjög á óvart ef Liverpool hefði mikinn áhuga á honum. Við skulum hafa það í huga að Liverpool er með marga efnilega leikmenn í yngri liðum sínum."

Cantwell og félagar í Norwich hafa átt í vandræðum á þessu tímabili í ensku úrvalsdeildinni, eru í neðsta sæti sjö stigum frá öruggu sæti.