Heimild: Vísir
Sigurlið Stjörnunnar.
Strákarnir í 3. flokk Stjörnunnar urðu fyrstir Íslendinga til að hreppa gullverðlaun á Gothia Cup mótinu í Svíþjóð.
Stjarnan vann IFK Haninge 3-0 í úrslitaleiknum en fram að því hafði Haninge ekki fengið mark á sig á mótinu.
Ísak Andri Sigurgeirsson skoraði tvennu og gerði Adolf Daði Birgisson eitt mark. Óli Valur Ómarsson var þá valinn maður leiksins samkvæmt frétt frá Vísi.
Í heildina tóku 1700 lið þátt í Gothia Cup, 222 lið kepptu í aldursflokkinum U15 þar sem Stjarnan stóð uppi sem sigurvegari.
Í fyrra tapaði Stjarnan úrslitaleiknum gegn Akademia Piłkarska TOP 54 frá Póllandi á meðan kvennalið Vals tapaði í U16 flokki gegn norska liðinu Tiller.
Margir öflugir leikmenn vöktu fyrst athygli á sér á Gothia Cup. Þar má nefna Andrea Pirlo, Ze Roberto og Emmanuel Adebayor sem dæmi.
Athugasemdir
