Forsætisráðherra Spánar um rasismann sem Vinicius varð fyrir

Hópur áhorfenda hrópaði 'Vinicius er api' og heyrðist það vel á vellinum og var hrópað aftur og aftur. Spænska deildin hefur tilkynnt að málið sé í rannsókn.

Pedro Sanchez, forsætisráðherra Spánar, hefur lagt orð í belg.

„Ég er harður stuðningsmaður Atletico Madrid og er afskaplega leiður yfir þessu. Ég reikna með sterku svari frá félaginu og það verði hart tekið á svona hegðun. Ég bið mitt félag um að gera það," segir Sanchez.

Jose Manuel Franco, ráðherra íþróttamála, segir að brugðist verði við þessari hegðun og biðlar til félaga landsins um að standa saman til að stöðva kynþáttaníð í spænskum fótbolta fyrir fullt og allt.