Davide Ancelotti yfirgaf þjálfarastarfið hjá Botafogo á dögunum eftir ósætti við stjórnendur. Hann er orðaður við ýmis félög í Evrópu en mun líklega ekki taka nýtt starf að sér fyrr en eftir HM næsta sumar.
Fabrizio Romano er meðal fréttamanna sem greina frá þessu og segir að Davide muni starfa náið með föður sínum Carlo Ancelotti á næstu mánuðum.
Hann mun hjálpa pabba að undirbúa brasilíska landsliðið fyrir HM á næsta ári eftir að hafa öðlast mikilvæga reynslu við stjórnvölinn hjá Botafogo.
Rayo Vallecano er meðal félaga sem eru sögð vera áhugasöm um að ráða Davide Ancelotti til starfa, en allt bendir til þess að hann verði ráðinn sem aðstoðarþjálfari brasilíska landsliðsins.
Athugasemdir
