Benoný Breki Andrésson verður frá næstu vikurnar eftir að hafa meiðst í leik með Stockport á dögunum.
Benoný var á skotskónum í sigri liðsins gegn Crewe í neðrideildabikarnum á Englandii þann 3. desember en hann þurfti að fara af velli vegna ökklameiðsla.
Hann hefur ekki verið með liðinu í síðustu þremur leikjum og verður líklega ekki með í næstu fimm leikjum. Búist er við að hann verði klár í slaginn þann 10. janúar þegar liðið mætir Huddersfield í ensku C-deildinni.
Stockport er sem stendur í 6. sæti C-deildarinnar með 32 stig eftir 19 umferðir. Benoný hefur spilað 11 leiki og skorað eitt mark á tímabilinu.
Athugasemdir
