Lazio er nú komið með annan fótinn í Meistaradeild Evrópu eftir að liðið vann Udinese, 1-0, í Seríu A í dag.
Vítaspyrnumark Ciro Immobile tryggði Lazio sigurinn á Udinese og er liðið nú með 68 stig í 3. sæti deildarinnar.
Napoli vann Inter á meðan 3-1. Inter spilaði manni færri frá 41. mínútu eftir að ítalski miðjumaðurinn Roberto Gagliardini fékk að líta rauða spjaldið.
Andre Zambo Anguissa skoraði opnunarmarkið á 67. mínútu en Romelu Lukaku jafnaði fimmtán mínútum síðar. Giovanni Di Lorenzo og Gianluca Gaetano kláruðu leikinn fyrir Napoli á síðustu fimm mínútum venjulegs leiktíma.
Napoli er auðvitað löngu búið að vinna deildina en þetta var þungt högg í baráttu Inter um Meistaradeildarsæti. Nú er útlit fyrir að Mílanó-liðin berjist um síðasta lausa sætið en Inter er aðeins tveimur stigum á undan Milan þegar tvær umferðir eru eftir.
Úrslit og markaskorarar:
Napoli 3 - 1 Inter
1-0 Andre Zambo Anguissa ('67 )
1-1 Romelu Lukaku ('82 )
2-1 Giovanni Di Lorenzo ('85 )
3-1 Gianluca Gaetano ('90 )
Rautt spjald: Roberto Gagliardini, Inter ('41)
Udinese 0 - 1 Lazio
0-1 Ciro Immobile ('61 , víti)
Athugasemdir