Nik Anthony Chamberlain, þjálfari Þróttar, var svekktur eftir 4-2 tap gegn Fylki í Pepsi Max-deild kvenna í kvöld.
Þróttur byrjaði leikinn vel og tók forystuna eftir fimm mínútna leik. Svo hrundi spilaborgin ef svo má segja.
Þróttur byrjaði leikinn vel og tók forystuna eftir fimm mínútna leik. Svo hrundi spilaborgin ef svo má segja.
Lestu um leikinn: Þróttur R. 2 - 4 Fylkir
„Er mjög svekktur. Byrjuðum mjög vel og skoruðum mjög flott mark. Áttum svo að fá víti og eftir það tók Fylkir yfir leikinn og við náðum ekki að takast á við það í fyrri hálfleik. Svo fengu þær þriðja markið, sem drap alveg leikinn. Þau voru alltaf smá betri en við í dag,'' sagði Nik.
Nik var spurður af hverju leikurinn endaði með tapi Þróttar eftir sterka byrjun.
„Ég hef enga hugmynd. Ég þarf að fara til baka og horfa aftur á leikinn því ég get ekki hugsað um eitthvað sem stóð upp úr í framistöðunni.''
„Við hefðum átt að fá víti og svo fengum við annað tækifæri. Það gæti verið að þær voru enn að hugsa um vítið eða eitthvað annað, ég veit ekki alveg. Svo þegar Fylkir jafnaði leikinn þá tóku þær alveg yfir leikinn."
Spurt var hvort það væru einhverjir jákævðir punktar frá leiknum.
„Við héldum alltaf áfram, þrátt fyrir að staðan var 1-3 eða 1-4, þá vorum við enn að skapa færi eins og sást með markinu á síðustu mínútu leiksins.''
„Næsti leikur er bikarleikur og við getum komist í undanúrslit í fyrsta sinn í sögu félagsins í kvennaboltanum, svo það er eitthvað sem við erum að eltast eftir.''
Hægt er að horfa á allt viðtalið fyrir ofan
