Samuel Eto’o, fyrrum sóknarmaður Barcelona og fleiri félaga, hefur verið dæmdur í 22 mánaða skilorðsbundið fangelsi fyrir skattsvik á Spáni.
Eto’o játaði að hafa svikið 3,8 milljónir evra undan skatti á meðan hann spila fyrir Barcelona.
Eto’o er ekki fyrsti fótboltamaðurinn sem er dæmdur fyrir skattsvik á Spáni en lögin þar í landi virðast vera að flækjast eitthvað fyrir mönnum.
Kamerúninn kennir sínum fyrrum umboðsmanni um þetta þar sem hann hafi séð alfarið um þessi mál.
Eto’o þarf ekki að dúsa í fangelsi þar sem þetta er hans fyrsta brot. Hann þarf hins vegar að borga skuld sín auk sektar að andvirði tæplega 2 milljóna evra.
Athugasemdir