Liverpool vann LASK frá Austurríki 3-1 í fyrsta leik riðlakeppni Evrópudeildarinnar í dag. Þetta var 50. sigur Jurgen Klopp sem stjóri Liverpool í Evrópukeppni.
Hann hefur stýrt liðinu frá árinu 2015 en hann er fyrsti stjóri í sögu Liverpool til að vinna 50 Evrópuleiki. Hann fór fram úr Rafa Benitez (49) með sigrinum í dag.
Hann hefur einu sinni unnið Meistaradeildina. Þá hefur Liverpool farið tvisvar í viðbót í úrslit Meistaradeildarinnar undir hans stjórn og einu sinni í úrslit Evrópudeildarinnar.
Liverpool vann Meistaradeildina árið 2005 undir stjórn Rafa Benitez þegar liðið lagði AC Milan í sögufrægum leik. Liðið fór í úrslit tímabilið 2006/07 þar sem liðið tapaði gegn AC Milan.
Athugasemdir
