Andri Fannar Baldursson var í byrjunarliði Kasimpasa í sterku jafntefli gegn Fenerbahce. Marco Asensio kom Fenerbahce yfir snemma leiks.

Kasimpasa missti mann af velli með rautt spjald undir lok fyrri hálfleiks. Manni færri tókst þeim að jafna metin og 1-1 urðu lokatölur. Samsunspor er í 4. sæti með 11 stig eftir sex umferðir. Kasimpasa ermeð fimm stig í 12. sæti.

Kristófer Jónsson var í byrjunarliði Triestina í 2-1 sigri gegn Arzignano í ítölsku C-deildinni. Félagið er í miklum fjárhagsvandræðum og ítalska sambandið hefur dregið 20 stig af liðinu. Liðið er sem stendur með 12 stig í mínús eftir fimm umferðir.

Logi Hrafn Róbertsson kom inn á eftir rúmlega klukkutíma leik í 2-1 sigri Istra 1961 gegn Osijek í króatísku deildinni. Danijel Dejan Djuric var ónotaður varamaður. Istra er í 7. sæti með átta stig eftir sjö umferðir.

Oliver Stefánsson spilaði fyrri hálfleikinn í 4-0 tapi Tychy gegn Pruszkow í næst efstu deild í Póllandi. Tychy er með 11 stig eftir tíu umferðir í 13. sæti en Pruszkow er á botninum með sex stig.

Sverrir Ingi Ingason var í byrjunarliðinu og með fyrirliðabandið í síðasta leik Panathinaikos en hann var ónotaður varamaður í kvöld í 1-1 jafntefli gegn Olympiakos í grísku deildinni. Panathinaikos er aðeins með tvö stig eftir þrjár umferðir.

Al Sharjah í Sameinuðu arabísku furstadæmunum tapaði 1-0 gegn Ajman. Milos Milojevic er stjóri liðsins. Al Sharjah er með fjögur stig eftir fjórar umferðir.

Sveinn Aron Guðjohnsen kom inn á sem varamaður í 2-1 tapi Sarpsborg gegn Stromsgodset í norsku deildinni. Viðar Ari Jónsson kom inn á sem varamaður í 1-0 tapi HamKam gegn Tromsö. Sarpsborg er í 10. sæti með 28 stig eftir 22 umferðir. HamKam er í 14. sæti með 21 stig.