Luciano Spalletti, þjálfari Napoli, gaf það í skyn að hann sé á förum frá félaginu í sumar.
Spalletti gerði Napoli að meisturum í fyrsta sinn í 33 ár en hann fékk ekki nýtt samningstilboð frá félaginu.
Ítalskir miðlar hafa fullyrt það að þetta sé síðasta tímabil hans með liðið og virðist hann svo gott sem staðfesta það.
Eftir 3-1 sigurinn á Inter sagði hann að það væri búið að taka ákvörðun varðandi framhaldið.
„Það er búið að taka ákvörðun. Við erum að bíða með að tilkynna það,“ sagði Spalletti.
Rafael Benítez þykir líklegastur til að taka við starfinu af Spalletti.
Athugasemdir
