Leicester nældi í stig gegn Newcastle á St James' Park í kvöld. Liðið er tveimur stigum frá öruggu sæti þegar ein umferð er eftir.
Það var ljóst að Dean Smith var aðeins með í huga að koma í veg fyrir að Newcastle myndi skora. Hann stillti upp þremur miðvörðum í byrjunarliðinu og geymdi menn á borð við James Maddison og Harvey Barnes á bekknum.
Liðið átti enga tilraun að marki fyrr en í uppbótartíma en Newcastle var með rúmar 20 tilraunir án þess að skora.
„Við höfum tekið þetta í síðasta leikinn og látið Everton þurfa á sigri að halda, við urðum að gera það," sagði Smith.
„Ég ætla ekki að afsaka leikstílinn, við urðum að halda okkur inn í leiknum. Newcastle hefur gufusoðið nokkur lið hérna og við gátum ekki leyft þeim að gera það. Við vorum agaðir, þeir fengu færi en þeir hafa fengið þau gegn flestum liðum hérna."
