Newcastle 0 - 0 Leicester City
Newcastle mun taka þátt í Meistaradeildinni á næsta tímabili en það var ljóst eftir markalaust jafntefli gegn Leicester í kvöld.
Það er hreint með ólíkindum að Newcastle hafi ekki tekist að skora en liðið átti yfir 20 tilraunir að marki en stangirnar voru með Leicester í liði.
Nick Pope markvörður Newcastle var áhorfandi á leiknum nánast allan tíman en Leicester átti ekki skot að marki fyrr en í uppbótartíma en þá þurfti Pope að taka á honum stóra sínum þegar Timothy Castagne átti skot á markið.
Markalaust jafntefli var niðurstaðan og fögnuðu Newcastle menn því gífurlega enda komnir í deild þeirra bestu ásamt Man City og Arsenal en Man Utd þarf aðeins eitt stig í síðustu tveimur leikjunum til að tryggja sér sæti í Meistaradeildinni.
Leicester er tveimur stigum frá öruggu sæti fyrir lokaumferðina en liðið fær West Ham í heimsókn þá. Everton sem er fyrir ofan Leicester fær Bournemouth í heimsókn í lokaumferðinni.